المدونة

هنا تجد أحدث أخبار وفعاليات الشركة

شرح تفصيلى ل ضريبية الدخل Income Tax

شرح ضريبة الدخل

 بداية كده ضريبة الدخل  دي بتكون ع ارباح الشركه طب ودي بعملها ازاي اولا خلينا متفقين اننا كشركه بنعمل قائمة الدخل الجميله بتاعتنا من خلال مكتب بنتعامل معاه محاسبه وضرايب ( مراجع خارجي).

وهو يبدأ يظبط التقارير المالية ويدي قائمه الدخل للسينيور أو الشخص إللي فاهم ف الضرايب عشان يظبط إقرار ضريبي للشركة ويبعته لمصلحه الضرايب. 😄
 

ف احنا كمراجعين بنعمل قائمه الدخل لشركه لا x

ضريبة الدخل
ضريبة الدخل

وخللي بالك احنا بنعملها طبعا وفقا لل accrual base اساس الاستحقاق ✔️ الضرائب بياخد قائمه الدخل اللي مكتب اعتمدها خلاص .

ويبدا الراجل خبير الضرائب ده يشتغل فيها ويبدا يحلل القائمه اللي عنده دي وجمبه قوانين الضرائب ويبدا يعمل في حاجه اسمها

ال tax return اللي هو الاقرار الضريبي .

ويبدأ يراجع ع قوانين الضرايب بقي ويشوف ايه الايرادات المعفية من الضريبه وايه المصروفات الغير خاضعه وهكذا

فـ الراجل بيبدأ واحده واحده ينظم شغله قبل مايسلم الاقرار لمصلحة الضرايب ( للعلم دلوقتي بتقدمه إلكتروني) بدل البهدله

طيب نتعلم شوية مصطلحات علشان الناس اللي شغاله ف الشهادات المهنية :

عندك ال الاقرار مكون من : ال Taxable revenues الايرادات اخاضعه للضريبه وكمان عندك المصروفات الخاضعة للخصم

بسميها Deductible Expenses ده مضون الاقرار بتاعنا.

الجميل يديك بقي حاجه اسمها taxable income اللي هو الربح الخاضع للضريبه نضربه في ال tax rate اللي هو معدل الضريبه بتاعه السنه المقررة

يقولك انت عليك ضريبه اد ايه دي ببساطه الخطوات بتاعه الاقرار . ✔️ ده مبدأيا فكرة الإقرار الضريبي وشكلة .

طيب أنا عايز افهم ال DEFERRED TAX

عشان نستنتج ضريبة الدخل المؤجلة دي خلينا متفقين ان الربح المحاسبي لا يمكن ان يساوي الربح الضريبي بسبب .

1- اختلاف حسبه الاهلاك من وجهه نظر الضرايب وده مش معناه ان الشركه حسبت اهلاك خطأ لا

هي الضرايب ليها حسبة معينة وهقولك ليه دلوقتي

2- حاجه هي وجود بعض المصروفات وليكن المخصصات الشركه بتعترف بيها ولكن مصلحه الضرائب تقولك لا مليش دعوة بيها

هو انت صرفتها لما تصرفها قولي ؟

3- وجود ايضا ارباح معفية من الضرايب في دي بتقلل برضو الضريبة يبدأ بقي الراجل بتاع الضرايب يشوف ايه اللي معفي من الايرادات

وايه الخاضع ويبدأ يظبط الدنيا هيلاقي فرق مابين الربح المحاسبي والربح الضريبي .

حاسبة الاهلاك

نرجع تاني لاهم سبب يؤدي الي اختلاف الربح الضريبي .

ع سبيل المثال عندي اصل بيتهلك علي 4 سنين تكلفته 100 الف نهايه السنه = 25000 ج تيجي الضرائب زي ماكلنا عارفين ليهم حسبه معينه

حسب القانون بقي مع الشركات الصناعيه والخدمية مش عارف هما بيتعاملوا ازاي معاها .

ف انا كمحاسب عرفت انهم بيعملوا اهلاك متسارع للاصل ويعلوا المصروفات الخاصه بالاهلاك بحيث اول سنتين تلاقي الاصل

مهلك اصلا ضريبيا بالكامل

يعني ايه الكلام ده يعني انت بتحسب اهلاكك اخر السنه 25000 لا تيجي الضرايب تقولك 50000 والسنه التانيه 50 برضو

يعني بخ الاهلاك بعد كده

😀يعني انا كمحاسب اجي احسب اهلاك السنه التالته والرابعه للاصل الضرايب هتقولي مليش دعوه انا حسبتلك اول سنتين ف متزعلش

متقولش ليه انا بدفع ضرايب اقل مانت عوضتها اول سنتين ودي بتبقي ع فكره ميزة كويسه للشركات الجديده اللي لسه نشاطها نص نص مش قوية

ف السوق ف الضرايب بتهون عليها شوية .

ما هوا الفرق بين الربح المحاسبي والربح الضريبي ؟؟

1- Permanent difference فرق دائم

2- Temporary difference فرق مؤقت

الفرق الدائم زي مثلا في ايراد اتسجل بواسطه الشركه او مصروفات عادي وجت مصلحه الضرايب قالتلك

لا مش تبعي برا عني زي مثلا ايراد غير خاضع للضريبه

او مصروف اتردلي بسبب اني عالجته خطأ وهو المفروض يتعالج كأصل أو ممكن عادي مصروف ملهوش سند.

المعيار قالك دي مفيهاش مشكله خالص ✔️اما ال temporary difference دي فروق مؤقته بينتج عنها future taxable amount مبلغ خاضع للضريية مستقبلا او بينتج عنها future deductable amount مبلغ هيتخصم مستقبلا ( هيقلل الضرايب)

تعالا نشوف اول واحده ال future taxable amoun يعني الفرق ده نتج عنه revenue بس في المستقبل

مثال : مثلا تعالا نشوف مثال الاهلاك تاني جيت دفعت اول سنتين دفعت مصروف اهلاك عالي بعد السنتين هلاقي ف اهلاك بيترمي ع قائمه الدخل

عندي بس الضرايب مش معترفه بيها وعرفنا السبب ليه انت عايز تقولي يعني ياعم هيما ان الفرق اللي حصل ده اسمه future taxable amount ايوا طبعا

الاهلاك المتسارع

لان ف المستقبل اللي هو بعد سنتين انت هتدفع ضرايب اعلي نيجي تاني نعيد انت جيت اول سنه دفعت اهلاك 25000 جت الضرائب قالتلك لالا

احنا هنعمل اهلاك متسارع وهندفعك 50 الف يبقي كده الفرق ده بسميه ال future taxable amount

طب ايه بقي ال future deductable amount زي مثلا provision مخصص

اعترفت بيه كمصروف جت الضرايب قالتلي لا لما تصرف هعترفلك بيه ف دي مصروفات هتتخصم ف المستقبل

وتقلل فيما بعد الربح الضريبي عشان ادفع ضرايب اقل يعني انت عايز تقولي ان ال future dedctable دي تعتبر Assets

ليه ياعم افتكر كده معايا تعريف الاسيت في المقال إللي فات ان بينتج عنه منافع ف المستقبل وبالتالي هينتج عنه وفر ضريبي ،

والعكس برضو future taxable amount دي ضرايب هتدفع ف المستقبل زي مثال الاهلاك ،

في هنا في التزام هيتدفع في المستقبل. ومن هنا نتج حسبه جميله جدا

تخص المحاسبين فقط في شغلهم ودفاترهم ملهاش دعوه بالضرايب

اسمها ضرايب مؤجله كاصول او كخصوم إللي هي موضوعنا إللي عايزين نفهمه ال Deferred tax asset or as liability

طب احسبها ازاى ضريبة الدخل

قالك بسيطه جدا انت مثلا كنت هتعترف بمصروف اهلاك 25

جت الضرايب قالتلك 50 يبقي في كده فرق ب 25 صح تمام جدا.

قالك المعيار اضربها × نسبة الضريبه ينتج الالتزام او ضرايب مؤجلة كخصوم.

هتدفع يعني هتدفع طب بالنسبة طيب للضرائب المؤجله كاصول مش فاهمها بتيجي ازاي قالك بسيطه مش انت اعترفت عندك بمخصصات بس انت مدفعتش حقها والضرايب قالتلك ادفعها وانا هعترفلك بيها كمصروف.

نفس الحكايه برضو هتاخد قيمه المخصص ده وتضربه ف نسبه الضريبه وترميه كا Deferred tax asset هتراجع حساباتك

وتظبط ورقك وتحسب حسبتك هتلاقي الفرق مابين ال ( deferred tax asset – deferred tax liability ) هيديك الاصل الضريبي المؤجل او الالتزام الضريبي المؤجل وشكرا ياباشا كده .

انت عرفت بتتحسب ازاي طب نفترض بقي ان انا لاقيت في التزام هيتدفع نتيجه مصروفات هتحملها ف المستقبل محاسبيا هتعامل معاها ازاي بعد بقي ما الضرايب خلصت فحص عندك

والدنيا هديت هتروح تعملك كوباية الشاي وتقتح معيار ias 12 هيقولك والله المصاريف اللي هتتدفع ف المستقبل دي اعترف بيها كمصروفات

واعمل قيد بيها dr deferred tax expenses Cr deferred tax liability

طيب لو هي ضرايب مؤجله كأصول اعكس القيد ياباشا وبدل الالتزام هيكون أصل. وبكدا نكون وضحنا ضريبة الدخل بشكل مبسط جدا

المصادر ” Community of Accountants

موضوعات اخرى قد تفديك ايضا

برنامج ادارة المحلات التجاريه 2020

برنامج محاسبة شركات المقاولات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

العودة للأعلى
× للاستفسارات واتس اب